Xasuuqii lagu sameyey deegaanada Ceel Baxay, iyo Cobosha oo lagu xidhiidhiyey, rag madaxweynaha deegaanka aad ugu dhaw
Radio Jigjiga (jigjiga) Waxaa wali isa soo taraya wararka ku saabsab, xasuuqii ay maalmo ka hor ciidamada Liyu bolisku ka sameyeeen, deegaanka Ceel baxay ee Gobolka Jigjiga ka tirsan, iyo deegaanka Cobosha. Hadaba wararka, ilaa iyo hada laga hayo xasuuqaa, sida naxariis darada ah, ayaa wali kooban, akhbaarta laga hayaana, aad bey u kooban yihiin, warka xasuuqan oo faahfaahsan ka akhriya Kilil5.
Markaa, wuxuu warku intaa ku darayaa, in ninka la sheegay inuu watay ciidamadan dadka badan xasuuqay, oo lagu magacaabo Barax, ahna sarkaar sare oo ka tirsan ciidamada Liyuuga, misana la aaminsan yahay inuu madaxweynaha deegaanka Cabdi Maxamuud Cumar, aad ugu dhaw yahay dhalasho ahaan. sarkaalkan ayaa la rumaysan yahay in ciidamada dawlada dhexe la tageen, ilaa iyo hadana lama oga meesha loo kaxeeyey, waxayn u badan tahay, in dambi lagu soo oogo.
Waxaa kaloo jira, sdia dad xogogaal ahi Radio Jigjiga u sheegeen, in nin ganacsade ah, kana mid ah raga kuntaraadyada (contract) ugu waaweyn qaata ee deegaanka, laguna tilmaamo isna inuu reer ahaan madaxweynaha deegaanka aad ugu dhaw yahay, ninkan wali ma hayno magaciisa oo sugan, laakiin wuxuu dhawr jeer xoolo u badan lo' ka soo iibsadey deegaankas, isagoo xoolahaas u dhoofiya dhinaca Somaliland, iyo Puntland, laakin mudo hada bil laga joogo, ay dadkii deegaanka is qabteen, taasina keenatay in ninkan ganacsadaha ah, haba yaraatee awood u waayey, inuu wax xoolo ah ka soo iibsado dadkaas xoola dhaqatada ah, ugu dambayna waxaa la sheegay in ninkaa ganasadaha ahaa dadkii ay is qabteen, uu ciidamada Liyuu Booliska kor keenay goor subax hore ah, waana, ujeedada loo xasuuqay shacabkaas maatada ah ee aan waxba galabsan, dadka meeshaas lagu dileyna, badankoodu waxay u badnaayeen, dadkii xoolaha lahaa, iyo dilaaliintii xoolaha.
Markii dacwo, ay dadkii deegaanku u gudbiyeen xaga dawlada dhexe, ayaa Cabdi Iley, si xun loogu soo canaantay xasuuqa dadkaas, waana sababta uu madaxweynuhu booqashada deg-dega ah ugu tagay tuulada Ceel Baxay. Inkasta oo dadweynaha deegaanka Ceel baxay, ay ka biyo diideen, iney habayaraate wax taageero ah u muujiyaan socodkiisa daacad-darada ah ee ugu yimid shacabkaas, ayey hadana odayaal xaga magaalada Jigjiga laga keenay, dadkii kala iibsadeen, laakiin sida warku sheegayo; waxaan caruur ahayni goobta ma iman, sidoo kale ayaa cakaaranews lagu soo qoray, inuu deegaanka Ceel Baxay, ka tirsan yahay degmada Jigjiga, warkaasina waa been cad, waayo deegaanka ceel baxay, wuxuu hoos tagaa degmada Gursum, iyo Baabili, qaybta gobolka Jigjiga.
Madaxweyne Cabdi Iley, ayaa lagu sheegaa inuu dano siyaasadeed oo waaweyn ka leeyahay deegaanka Gursum, iyo Baabuli, waayo dhulkaa waxaa xuduud la leh degmada Galaalshe oo dhawaan Cabdi Iley degmo ka dhigay, maadama ay horey beesha Maalinguur, ugu sheegeen Cabdi Iley: inuusan beesha Jidwaaq marnaba u ogolaan, iney deegaanka Galaalshe, ama dhinaca dooxada Daakhato deegaan ku yeeshaan, waxay kaloo u sheegeen, in haduu u fuliyo arintaa, ay iyana dhankooda ka caawin doonaan, la dagaalanka garabka nabada diiday ee ONLF, waana sababta uu galaalshe degmo uga dhigay si looga hor tago ineysan beelaha Jidwaaq dhulkaas degin.
Si kastaba ha ahaate, lama garanayo in dilka shacabkani yahay, barakicin la doonayo in laga barakiciyo, dhulkooda, iyo inkale, laakiin wax walba oo Cabdi Iley kula kaco reer Jigjiga, ama sameeyo waa in shaki, iyo aamin daro lagu qaabilo, ilaa ay noqoto si kale. Ugu dambayn lama hubo, in talaabo sharci ah laga qaadi doono, iyo inkale saraakiisha, iyo askarta ka tirsan ciidamada Liyuu Booliska, ee dadweynaha deegaanku argagaxa weyn ka qabo, had, iyo jeerna xasuuqa foosha xun kula kaca dadka deegaanka.
areysigii uu warsidaha afdheer.com la yeeshay madaxii hore ee xafiiska deegaanka u qaabilsan cilmi baadhista, mudane Dr. Axmed Sheekh, oo loo arkay inuu iftiin ku shiday guud ahaan sida ay dawlada deegaanku u shaqayso
axaafada xorta ahi saaxiib joogto ah ma leh
Sanad guuradii Koowaad ee madaxweyne-nimada Cabdi Maxamuud Cumar, maxaa khaldamay, maxaase la qabtay (faalo)
