Madaxweyaha maamul goboleedka Punland oo handadaad ku soo dhaweyey Ra'iisul wasaaraha cusub ee Soomaaliya

Madaxweynaha Maamul goboleedka Puntland C/raxmaan Max’ed Faroole ayaa sheegay in uusan ka aqbali doonin Maamulka Puntland, Ra’iisul wasaaraha cusub inaysan xubin ka noqon golihiisa wasiirada.

Madaxweyne Faroole oo ka hadlayay Munaasabad lagu xusayay 1-da Luulyo oo ka dhacday Magaalada Garoowe ayaa waxa uu sheegay in la tashi uu kala sameeyay Ra’iisul wasaaraha golaha wasiirada uu soo magacaabayo, waxaana uu tilmaamay in aysan qaadan doonin in la siiyo wasiiro aaan sidaasi waxtar u laheyn.

C/raxmaan Faroole ayaa carabka ku dhuftay in xukuumada C/wali Max’ed Gaas ay mari doonto halkii ay mareen xukuumadihii ka horeeyay hadii wasiiro wanaagsan aan la siin maamulka Puntland

Faroole waxa uu sidoo kale sheegay in Puntland aysan aqbali doonin wasiiro ka soo jeeda deegaanadeed oo aysan iyadu ka war qabin in loo dhiibo xilka wasiirnimo, wuxuuna kula taliyaya Ra’iisul wasaaraha cusub in uu iska ilaaliyo waxyaabaha dul duleelada u keenia kara xukuumadiisa.